Кыргызстандын түштүк аймактарында балдарга карата зомбулукту эрте аныктоо жана алдын алуу боюнча иш-чаралар (информациялык сесси жана тренингдер) аяктады

Кыргызстандын түштүгүндөгү үч шаарда — Ош, Баткен жана Манас шаарларында — Кыргызстанда Билим берүүнү өнүктүрүү ассоциациясы тарабынан балдарды коргоо системасын чыңдоого багытталган иш-чаралар өткөрүлдү.

Иш-чаралардын алкагында төмөнкүлөр уюштурулду:

«мектеп жашындагы балдарга карата үй-бүлөлүк зомбулуктун белгилерин таануу жана алгачкы колдоо көрсөтүү» темасында тренингдер өткөрүлдү

«балдарга карата үй-бүлөлүк зомбулуктун белгилерин таануу жана колдоо көрсөтүү механизмдери» темасында маалыматтык сессиялар өткөрүлдү.

Иш-чараларга 183 адам катышты, анын ичинде мугалимдер, мектеп адистери, ошондой эле ата-энелер, кварталдык жана үй комитеттеринин өкүлдөрү, жергиликтүү жамааттардын активисттери жана башка кызыкдар тараптар болду.

Иш-чаралардын жүрүшүндө катышуучулар:

* балдарга карата үй-бүлөлүк зомбулуктун белгилери менен таанышты;

* анын баланын физикалык жана психоэмоционалдык өнүгүүсүнө тийгизген таасирин талкуулашты;

* алгачкы колдоо жана коргоо механизмдери боюнча билим алышты;

* жооп кайтаруу алгоритмдерин жана мекемелер аралык кызматташуунун маанилүүлүгүн карап чыгышты;

* мектептердин жана жергиликтүү жамааттардын зомбулук учурларын эрте аныктоодогу ролун баса белгилешти.

Зомбулук учурлары аныкталганда өз убагында реакция кылуунун жана так иш-аракет алгоритмдерин калыптандыруунун зарылдыгына өзгөчө көңүл бурулду.

Бул кампанияны уюштурууга жана өткөрүүгө көмөк көрсөткөндүгү, ошондой эле региондордо иш-чараларды ишке ашырууга кошкон кесиптик салымы үчүн биздин мүчөбүз — «Калктын аялуу топторун өнүктүрүү жана коргоо борбору» коомдук фондуна ыраазычылык билдиребиз.

Балдарды коргоо — бул үй-бүлөнүн, коомдун жана мамлекеттин жалпы жоопкерчилиги. Мындай демилгелерди ишке ашыруу адистердин кесиптик компетенттүүлүгүн жогорулатууга жана мектептер менен жергиликтүү жамааттар деңгээлинде балдарды коргоо системасын чыңдоого өбөлгө түзөт.